როდესაც მომმართე: "ძამიკო" - პირველმა,
"დაიკოს" თქმა, შენთვის მაგიტომ მევალა...
მას შემდეგ სათქმელი სულ უფრო ილევა:
"დაიკოს" მაგივრად, "ჩემო" თქვას მელანმა -

სულ უნდა, სულ უნდა, მაგრამ მას ვერ ამბობს...
თუ ფიცი არ გატყდა "და-ძმობის" მანამდე.
შენ - "ჩემო" დაო და შენ - ასე ვერაგო!
მაჯობე - გეგონა, თუმცა თავს ანანე:

"ძამიკო" - როდესაც მომმართე პირველმა;
შენც გახდი "და-ძმობის" ფიცის ტყვე - მძევალი...
მას შემდეგ სულ უფრო სათქმელი ილევა:
"ძამიკოს" წერს, - "ჩემოს" გულისხმობს მელანი.