ღამემ ჩაიღიმა, მორიგი ბალადა,
უნდა დავწეროო, მუზაშემართული
დილიდან ვყურყუტებ- ქალაქი ანკარა,
სუფთაც კი არ არის, არამცთუ ანკარა.

ბაზარში გოგო დადის, ყოველ ალიონზე
ხილს ათვალიერებს და ქართველი დახლიდარი
ფეშქაშად ვთავაზობ, უკვე მიმაჩვია,
ერთი ღიმილი და... ქართველი დახლიდარი -

- ვებმები მახეში, (მგონი მეპრანჭება),
ბედის ირონია - ადრე ამ ადგილას
ქართველ ქალებს ყიდდნენ
ძაღლი თურქები და
იაფფასიანი ხილის შეჩეჩებით,
ღიმილს მე ვყიდულობ თურქი ლამაზმანის...

დღეს შაბათია და კვლავ უნდა დავლიო,
ჩაიხანებიდან - "იახში, ბირთალე",,,
იმდენიც გიქნიათ, მისულხართ პირამდე...