ყურთსასმენებში ჰანგები რეტრო,
მიღრმავდებიან, რაღაცას ჩხრეკენ...
ეკსკალატორი (ჩავდივარ), მეტრო,
ხელგაშვერილი ბავშვი კი ჩემსკენ

მოიწევს (მლოცავს). ეჭვსაც არ ბადებს,
რომ ის ივახშმებს დღეს ჩემზე უკეთ
და მიწისქვეშა - ამ ნაცნობ კადრებს,
გამოჩხრეკილი ეშმაკი უყეფს,

უყეფს, როგორც ბრგე პოლიციელი.
ყურთსასმენებში ჰანგები რეტრო:
მგელივით ყმუის ბარდი - მშიერი.
ესკალატორი (ავდივარ), მეყო!