ვიცი, რომ მოვა... და მოიტანს სუსხსა და ღამეს,
წამიყვანს სადღაც თვალახვეულს და განახევებს.
კუბიკებივით დაალაგებს არეულ წამებს
და ფოთლებივით მიმოფანტავს ნაცნობ სახეებს.

ვიცი, რომ მოვა და ოცნებებს წაშლის გულიდან
და ყველა იმედს სამუდამოდ გააცამტვერებს.
ვიცი, რომ მოვა... და წამიყვანს გაზაფხულიდან
და სიცოცხლესთან საბოლოოდ გადამამტერებს.

ვიცი, რომ მოვა... აათრთოლებს საყვარელ ხელებს...
და გარდასული ნეტარების ხსოვნას დატოვებს.
წამიყვანს სადღაც თვალახვეულს და განახევებს
და მეც სამყაროს უდაბნოში განმამარტოებს.