იჩქარე

ოდესმე დაგღლის, -თვალთვალი შორიდან,
და მერე, -დამშრალი უაზრო ფიქრებით
მოხვალ და, შენს ქალურ სინაზეს მომიტან,
მაგრამ ნახავ, რომ მე სხვა ქალს მივყვები

ცხოვრების შარაზე. არ მახსოვს ის შენი
არცერთი კოცნა და არც შენი სურნელი,
რომ აღარ მხიბლავს მაგ თვალა გიშერი,
რომ აღარ დარჩა სათქმელი უთქმელი.

შენ ისევ დაკრეფ ლოდინის ყვავილებს,
ჩაიწნავ თმაში და მოძებნი ნირვანას,
ზღვაც დადუმდება და ტალღებს აიკრეფს,
იმ ტალღებს, ოდესღაც ასე რომ გვიყვარდა.

მე გამიმართლებს, შენს გულში ვიქნები,
სითბოს და ალერსს კი, -აგე, სხვას ვარგუნებ.
ამიტომ იჩქარე, სანამდე მჭირდები,
სანამდე წასვლისთვის მივაგნებ არგუმენტს...

იჩქარე...
იჩქარე...

10.02.2014წელი