ტყუილს ფეხები დაგრძელებია
ღობეს კი არა საზღვრებსაც თელავს.
ქალამნს ძირი გამოგლეჯია
მერე რა მოხდა?მზადაა ჩექმა.

მგელს ტყისკენ თვალი აღარ გაურბის
აღარ ჭირდება ცხვრის ტყავი მახედ,
წამოსკუპულა თბილ სავარძელში
და სახარებას გვიკითხავს აქეთ.

გამაძღარ ხუცეს ნანინად ესმის
მშიერი მრევლის მუცლის ბუყბუყი,
დიდიხანია თვალს აღარ გვიწვავს
ყურზე დაჭრილი ხახვია წურწუხი.

ყვავ-ყორანს ყელი მოუღერია
და იადონის სიმღერებს მღერის,
სულელმა ხიდი გადაირბინა
ჭკვიანი დგას და თავის რიგს ელის.

ქარავანს ძაღლის ყეფა არ უშლის
ბალი ისევ ღირს ათი შაური.
ტურის ქორწილში მელა თამადობს
აღარ მთავრდება დიმპიტაური