ღვინო ხვანჭკარა

ტრიალებს, ტრიალებს...
ცა, - დედამიწა ტრიალებს...
კრიალებს, თვალებს აბრიალებს
ჭიქაში ღვინო ხვანჭკარა,
ნუ, ნუ შემსვამო ჩქარ-ჩქარა...

სულ ცოტა მომსვი, ტუჩებით,
მომენდე, ნუ მეურჩები...

თაფლად დავდნები ბაგეზე,
კოცნისთვის წამოგაქეზებ,
ენას აგივსებ ჭიკჭიკით
ოღონდ, ნუ შემსვამ დიდ ჭიქით.

თორემ ბაგეს თუ გადავცდი,
ვიქცევი სისხლის მორევად,
ავხუნტრუცდები სხეულში,
დაგიფრთხობ ძილს, მოსვენებას,

ქეიფსაც აღარ დაგაცდი,...
თუკი ტკბილ ბაგეს გადავცდი.

ჰოდა, სულ ცოტა გამსინჯე,
მომიალერსე ტუჩებით,
ავღიღინდეთ და ავტირდეთ,
მომენდე, ნუ მეურჩები...