შორიდან ჩანს ვიღაც მოდის ნაბიჯი აქვს ჩქარი
მოდის მაგრამ მის ლამაზ თმებს ნაზად არხევს ქარი
ეფერება ცელქი სიო მის ნაზ სახეს უვლის
და ამ ნაზი მოფერებით ალბათ იკლავს წყურვილს
დასტრიალებს მის ნაზ სახეს არ ეშვება ქარი
აქამდე რომ თმებს უშლიდა იდუმალი წყნარი
ევედრება ჩემთან დარჩი გულში ვერ კლავს ბოღმას
მის ფეხებთან დაჩოქილი ლოცულობს და მოსთქვამს
ქალი ისევ წინ მიიწევს არ უყურებს არვის
მხოლოდ ერთი სურვილი კლავს თავის სატრფოს ნახვის
დამიცადე სად მიდიხარ ევედრება ქარი
აქამდე რომ თმებს უშლიდა უცებ გახდა წყნარი
გულში სევდა შეერია ცრემლებსა ღვრის ქარი
ნანობს რატომ შეუყვარდა მასზედ მეტი ქალი
უნდა თავი დაანებოს მაგრამ გული ვერ სთმობს
ეს ის არის ვისი ხილვაც თაბრუს ხვევდა ერთ დროს
ქალი ისევ წინ მიიწევს სწრაფ მიაპობს ნიავს
თან ჰგონია ეს სამყარო თავის ხელით მიაქვს
თვისზედ დაბალს არ უყურებს არ იკარებს ახლოს
სურს რომ ქარი მოიშოროს თავის სწორი ნახოს
მაგრამ ქარიც ხომ ცოდოა რა ქნას ბედი არ აქვს
სიყვარული იმ ქალისი მუდამ გულით დააქვს
ვერ იცილებს ლამაზ თვალებს ვერ ეღირსა იმ დღეს
მიდის ქალი წინ მიიწევს უკან ქარი მისდევს
მისდევს ქარი თავის სატრფოს ვინც მას გულით უყვარს
მაგრამ მისთვის მიყვარხარო ჯერ არასდროს უთქვამს
უიმისოდ მისი გული ბობოქრობს და იწვის
ვერ უთქვია რადგან ქალი მასზედ უარს იტყვის
ქალი ისევ წინ მიიწევს კვლავ აგრძელებს წინსვლას
ქარს ანიშნა მომცილდიო აღარ აცდის მისვლას
აღარა სურს მას უყუროს მისგან სულ შორს უნდა
მაგრამ ქარს ხომ მისი კოცნა მოფერება სურდა
გადაწყვიტა თვისი ბედი კიდევ სცადოს ქარმა
იქნებ ბედმა გაუღიმოს შეიბრალოს ქალმა
იქნებ მისი ნაზი გული სამუდამოდ მოლბეს
რასაც ნატრობს შესთხოვს უფალს ღმერთმა ქნას რომ ახდეს
უკვდავებით შემოსილი ქარი მიდის ქალთან
ალბათ გული აუტირდა ცრემლები სდის თვალთგან
სიყვარულმა დაიმონა გულში უყრის ისარს
მხოლოდ მისთვის ის არსებობს მხოლოდ მისთვის ის არს
მოუმატა წინსვლას ისევ ქროლვა იწყო ქარმა
ისე სწრაფად გადაუსწრო ვერ შენიშნა ქალმა
ეამბორა ნაზ თითებზე თვს კი დაბლა უხრის
რომ აუხსნას სიყვარული ალბათ ზუსტ დროს უცდის
ისე ახლოს დასტრიალებს ისე ახლოს უვლის
ვერ დამალა გაოცება თვითონ ქალსაც უკვირს
თითქოს ქარიც ჩაწყნარდაო აღარც ცაზე ელავს
თითქოს გულიც გაყუჩდაო შეუმჩნევლად ღელავს
უკვდავებით შემოსილმა ენა იდგა ქარმა
თითქოს მისი სათხოვარი შეისმინა ქალმა
მიყვარხარო უთხრა სატრფოს სიცოცხლეს ვდებ შენთვის
რომ ამ ლამაზ ორ სიყვარულს უკვდავება ერთვის