ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: ხერგიანი ბექა
ჟანრი: პოეზია
30 აპრილი, 2014


# # #

დიდი პაუზის მერე,
დავიწყებაში მთვლემარ
თავსაც ვერ დააჯერებ,
შენ რომ ჯერ ისევ შენ ხარ;

რომ ისევ ისე გაკრთობს,
მისტერიები ღმერთის:
ხარ, თუ არა ხარ ამ დროს,
მისთვის თუ არა, შენთვის.

ისე შორდები, ვითომ
სნეული იყოს კეთრით...
იტყვიან: "ამდენი ცდითო,
მან მიაძინა ღმერთი."

კომენტარები ილუსტრაციები რეცენზიები