გაცრეცილ გრძნობათა ოცნება თარეშობს,
აღმოხდათ ტკივილი ლოდინთა მარყუჟებს,
დღეს უნდა მუზები ლექსებად დავგეშო,
თორემ გაცვეთილი როლები მაურჩებს.
მომწყინდა ნიღბების ხოტბაც და სალამიც,
(თუმცა დღეს ნიღბები ლაშქრავენ მარათონს,)
თქვენ გქონდეთ, გიბოძეთ ტაშიც და ალამიც,
სპეტაკი თოვლი მსურს, მაისში აღარ თოვს.
გაცრეცილ გრძნობათა სიშიშვლე ბატონობს,
არ ვიცი რა ვუყო ფრთაფარფატ ლოდინებს,
მე უნდა ამ ლექსით დროებით დაგტოვოთ,
რომ ისევ ნანატრი ლექსივით მოვიდე...