წამო, ჩაგისუნთქებ ძილში,
წამო გავაღვიძოთ დილა.
ღამის უთვალავი ფერით,
დღესაც უსაშველოდ სძინავს.

წამო გაგიყოლებ მთებში,
დილის ჰაერივით მათბობ.
სხეულს ამჩნევია ტვირთი,
განშორებისააა კარგო.

წამო ჩავისუნთქოთ მშვიდად,
მთებში გადავცუროთ გემით,
მთვარეს მოვეფეროთ ნისლში,
დღეებს შევუხამოთ ფერი.

წამო წამომყევი იქით,
მე ხომ გაღმა - ზღვაზე მინდა,
წამო ჩავისუნთქოთ რიწა,
მჯერა გათენდება მშვიდად.