მოდი წავიდეთ ცისფერ ნაპირებზე
სად ჯერ არ მოსულა თოვლი,
შენი თვალის ფერი ისე მაიმედებს
სიკვდილს მოვერევი მგონი.
ბაღში გაწოლილა ლურჯი მთვარე
მყინვარს დაუჩაგრავს იგი,
თუ ვერ დაგინახე მშობიარე
მაშინ ავტირდები სიმწრით.
მოდი გავუხვიოთ სულის ბარდებისკენ,
გრძნობას დავუყაროთ ხურდა,
მახსოვს წვიმაში რომ წამად დამეფინე
მახსოვს, მეც იგივე მსურდა.
მხოლოდ ზღაპრებშია წრფელი სიყვარული
იქ ჯერ არ მოდისო თოვლი,
ჰოდა ჩვენც ზღაპარში რომ გავიქცეთ,
ცისფერ ნაპირებზე ორნი !