ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

ჩემს კუთვნილ ჰაერს სხვა სუნთქავს,
ეპატრონება ჩემს სივრცეს;
პრობლემებს მახვევს საკუთარს,
ცხვირყოფიათა ხელმწიფე.

ფეხს მაგიდაზე შემოდებს...
სიამის ტყუპის ძმასავით...
(რას ჩაალაგებს ჩემოდნებს) -
არ ეჩქარება არსაით.

თუმცა,  საქმე აქ - რომ კითხო!
დროს ვინ უნახავს - გაცდენილს...
ზის თავით, ასე - მოკიტრო, -
დეკოლტეგახსნილ ცას ელის.

და რუსი ოკუპანტივით,
პოზიციაზე საცეცხლე,
როგორც როსკიპი - სატინი,
გენეტალიებს აცეცებს, -

ანუ ვერბალურს - აქ უფრო:
მავანთა დედებს მიჟიმავს.
ვითმენ, რომ არ შევაფურთხო,
თავისუფლების ყიჟინა.