ვერ შევეგუე გაყვითლებულ სულს და ნოემბერს,
მე შემოდგომას ვერ ავუწყობ ფეხს და განწყობას;
სანამ ურაკზე ბებოებიც მიმატოვებდნენ,
შემოვიარე სისულელის გამოსაცხობად.

არც იდეა მაქვს, არც რითმები და არც არები,
ალბათ ეტყობა სათაურის კითხვის ნიშანსაც...
ბობ, ახლა შენც კი ვერ მიშველი, ისე გავები,
რა მოცლილია - მთელი ზიზღით იტყვის ვიღაცა.

ჰო, მოვიცალე ძველებურად სალაზღანდაროდ
და მომენატრა უაზრობის ჩაბარდღალება,
მოდი ეს ლექსიც ავიღოთ და მას დავაბრალოთ,
ვინც ასეთ ლექსზე პოეტობას დაგვაბრალებდა.