ყველა თავისი სახმილით იწვის,
ჩანაცრულ გულს კი იმედით ივსებს.
ნაძვები სერზე, ნემსა წიწვებით,
სჩხვლეტენ, ტყის თავზე გადასულ ნისლებს.
შენ ალბათ მზესთან დიდხანს იწვები,
სანამ იბღავლებს სულით ობლობა.
ფიფქები- ზეცის თეთრი პეპლები,
წუხელ ჩემ სულთან ახლოს მოთოვა.
ერთ დღეს კი როცა დაიპენტები,
მონატრების და ვნების ზვირთებით,
ჩაყლაპავ მზეს და სულში დატევით,
მზიანად ჩემში ჩაიღვენთები.
ალეკო მიშელაშვილი