ყოველდღე ერთი და იგივე არ მობეზრებია, ხუთი წელია, არ მობეზრებია.
უფრო მეტად ამ ბოლო დროს  სხვა  არაფერი აინტერესებს.
ადრე სულ წუწუნებდა, ერთი და იგივეს კეთება ეზარებოდა .
ახლა ამ აღმართის ავლა შეუყვარდა კიდევაც.გულს არ უტყდება, თორემ უფრო მნიშვნელოვანი საქმე სხვა არაფერი აქვს.
დილით ისე ადრე დგება, ბინდია ჯერ კიდევ.სკოლაში წასვლამდე მასთან უნდა შეიაროს,ხომ უნდა გაიგოს, ღამე როგორ გაატარა.
რაც მასთან აღარ ცხოვრობს, უფრო მეტად წუხს, ღამე მის გარეშე რომ გადის.
ბოლო დროს მუხლები აღარ მოსდევს, რევმატიზმებია თუ რა ქვია, იმით დაავადდა.ექიმმა წამალიც გამოუწერა, რომ მუხლი კარგად გაიმაგროს და სიარული შეძლოს,
აღმართის ავლა  ყოველდღე უნდა შეძლოს.
დიდხანს  უნდა იაროს,უფრო სწორად სულ უნდა იაროს, სანამ ცოცხალი იქნება...
და როცა აღარ იქნება, თავისთავად ამ ბორცვთან იქნება ახლოს.