(ი)რეალური ღამე

იდგა ღამე და ველოდი სისხამს, -
გამომეპარა მაინც.. ჩავთვლიმე...
იდგა ღამე და ველოდი სისხამს, -
არ ვიცი, როგორ გამოვეპარე..
ამოდის მთვარე და სიზმრებს ისხამს -
ძალით - მათი და ნებით - მათივე,
ამოდის მთვარე და სიზმრებს ისხამს -
ვერცხლის სხივება და მოელვარე.

სწყდებიან მწიფე ნაყოფის მსგავსად
და მეც ვუყურებ ჩვენებებს - უმოს..
სწყდებიან მწიფე ნაყოფის მსგავსად, -
აღმოცენების შიში რომ ერთვის.
აღარ მთავრდება ეს ღამეც არსად, -
მშვენიერი, თან კოშმარზეც უშნო.
აღარ მთავრდება ეს ღამეც არსად, -
ვერცხლის სხივება ღობე-ყორეთი.