მთავარი გვერდი
პორტალის შესახებ
რეგისტრაცია
ნაწარმოებები
კომენტარები
რეცენზიები
დღიურები
წევრები
ლიტ-მოვლენა
ილუსტრაცია
მოგვწერეთ
ძებნა
ფორუმი
გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: თეა თაბაგარი
ჟანრი: პოეზია
28 მარტი, 2015

დგება დრო

ქარებს გავატანე განცდა, რომ გადავრჩი,
და დავრჩი ყვითელი ხეების ამარა,
საშინლად გაცვეთილ გრძნობათა ქალაქში,
რომელიც სიშიშვლეს არაფრით არ მალავს.

ერთხელაც, დგება დრო და ტკივილს ანულებს,
(ხდება სასაცილო ათასი ბოდიშიც),
ლექსებს, მისტიურებს ანდა საკრალურებს,
ბგერებად დაფანტავს, ჰაერში მოისვრის.

მაინც რით მომნუსხა ან როგორ მომხიბლა
(არც მას უფიქრია, გულიდან გავეშვი),
თუმც, ალბათ, საჩემო არასდროს ყოფილა
ქალაქი, აღსავსე მორუხო კაეშნით.

ხოლო დრომ, რომელმაც წამართვა ბავშვობა,
ასე უნებართვოდ, უხმოდ,  ხელაღებით,
იმ დილით, როდესაც მე და შენ დავშორდით,
ოდნავ სანუგეშოც ვერ თქვა ვერაფერი.
კომენტარები ილუსტრაციები რეცენზიები