ჩემი სულის ნაწილი ხარ,
სიცოცხლე ხარ ჩემი.
გამჩენისგან კურთხევა ხარ,
იმედი ხარ ჩემი.

დღეს და ღამეს შენით ვხვდები
სინათლე ხარ ჩემი,
ოცნება ხარ ახდენილი
სამყარო ხარ ჩემი.

პაწაწინა ედემი ხარ
მზე და მთვარე ჩემი.
თორმეტი თვე ჩემთანა ხარ
დღეს გახდება წელი.

სიყვარულში გაიზრდები,
დამაცდიან წლები.
ყოველ დილით რომ შევიგრძნო
შენი თბილი ხელი.

შენი ერთი გაღიმებით
მავიწყდება ბნელი,
ჩემს სიცოცხლეს შენ მოგიძღვნი
კლდე ვიქნები შენი.

კაცად გაგზრდი, მე გპირდები
გზას მაჩვენებს ღმერთი,
რომც წაიქცე, არ შეშინდე
მე ვიქნები შენში.

გავა წლები, არ ვიქნები
შენ გახდები დიდი,
თუ ოდესმე გაწყენინებ
მომიტევე დედი!!!