ზოგჯერ უფრო ადვილი სიკვდილია.
თვალები ატალახებული ადამიანებით ამევსო
მეც ატალახებული ადამიანი ვარ :
დროში გაფანტული წვეთებით
და ხალხის უპატრონო იმედებით,
ბოლო ამოსუნთქვის სიძულვილით
და ჩემში ჩახშული სიდუხჭირით.
ზოგჯერ უფრო ადვილი სიკვდილია.
თვალები ჩაფლული გვამებით ამევსო
მეც ჩაფლული გვამი ვარ :
გახსნილი ხელებით და უმწეო,
საღი ფეხებით და ცოცხალი,
გვამების მომზირალი გვამი ვარ
იქნებ კი საერთოდ არავინ ვარ.
ზოგჯერ უფრო ადვილი სიკვდილია.
თვალები უიმედო წამებით გამევსო,
მეც უიმედო წამი ვარ :
ჰაერში გასროლილი წამი ვარ,
დამსხვრეული ბილიკების ნაშთი ვარ ,
უდანაშაულო დამნაშავის სახე ვარ,
უბრალოდ ზედაპირზე ვაგდივარ.
ზოგჯერ უფრო ადვილი სიკვდილია.