გოგოვ - შველივით ნაზი ხარ,
შვლის ნუკრს მიგიგავს თვალები,
მჯერა, ბევრს გულში უზიხარ
სიყვარულს ნაზიარები.

მიდიხარ... მიგაქვს ქუჩა და
მზესაც შურს შენი თეთრ შურით,
მკერდზე გიბრწყინავს ვარსკვლავი,
ამაყობ როგორც ხევსური.

ნეტავი იმას, მაგ ბაგეს
ვინც დაგიკოცნის ჟინითა,
არც არასოდეს დაგკარგავს
ჩერქეზის ისარივითა.

შენ ხომ შველივით კოხტა ხარ,
შვლის ნუკრს მიგიგავს თვალები,
ამ ლექსით დამილოცნიხარ
სიყვარულს ნაზიარები.