პოეტები ყველა კუთხიდან აწყდებიან თბილისს.
არტისტები ყველა კუთხიდან აწყდებიან თბილისს.
მუსიკოსები ყველა კუთხიდან აწყდებიან თბილისს.
ქალაქმა კი არაფერი იცის ამის შესახებ.
სამაგიეროდ საქვეყნოდ ცნობილია, რომ:

ჰარდ ქორი საუკეთესო საშუალებაა თავის
ტკივილის მოსახსნელად.

ში მეილ ჰონგ - კონგის საპატიო მოქალაქეა.

მედ დოგი არ უშვებს შანსს მოწინააღმდეგე
ნოკდაუნში ჩააგდოს.

პაპი II  გორგოპულუსი ჩუმად ერეტიკულ ლექსებს წერდა.

გო ხიჩანი განუწყვეტლივ ლოთობს და თამაშობს,
რაც შეიწირავს კიდეც.

ლიჩელო ფსიქიატრიულში მოხვდება უცხობი ქალის ტრფობის
და კლოუნის როლის განსახიერების შემდეგ.

უგოლო სანი სამსახურში არასოდეს ეწევა.

მარადონას ცალი თვალი არ აქვს.

ლა შეიქი აღარ მიქსავს.

მარადონას ცალი თვალი აქვს.

პალიაჩი დაბრუნებას არც კი ფიქრობს.

ჯოუ ტაოცის ახლობლები ვეღარ ცნობენ,

კატებმა მარტში გამრავლება შეწყვიტეს.

ძაღლებს პარასკევი გაუთენდათ.

აქლემი აღარ ყარს.

ვირისგან წიხლი საწყენი გახდა.

ნაჩუქარ ცხენს კბილები დამპალი აღმოაჩნდა.

შავი ხვრელი მხოლოდ კოსმოსში არ არის.

ამ დროს კი პოეტები, არტისტები და მუსიკოსები
განუწყვეტლივ აწყდებიან თბილისს, როგორც უწინ,
ქალაქი კი, ამრეზით მდგარი, არაფერს იმჩნევს,
და ვერც კი ხვდება,
როგორც იცვლება ყველაფერი,
რაც ადრე იყო...