დაუშვით ფარდები..!
სიყვარულმა დაამთავრა მოქმედება ნომერ პირველი,
ამ წარმოდგენის ბილეთებს ხომ
თავიდანვე არ ჰყოლია ბევრი მყიდველი...
და რადგან თეატრში ანტრაქტის დროს
ეშვება ფარდა,
მეც ფარდის მიღმა ვემალები
ყველას შენს გარდა...
ახლა გრძნობები უნდა დავყო ეტიუდებად,
მაგრამ ეს გული, ოხ ეს გული..!!! მეჯიუტება...
აანთეთ რამპები..! საყვედური სცენარის ავტორს,
მთავარი როლის შემსრულებელს, რომ ტოვებს მარტოს...
გაანადგურეთ ეს უხეში დეკორაცია..!
მაყურებელო..! უადგილოა დღეს ოვაცია...
რეჟისორს ბევრი ხარვეზი აქვს დრამატულ დადგმაში,
ჩემი გმირი უყვარს ამ კავალერს,
გარწმუნებთ ამაში..!
დაუშვით ფარდები..!
მოქმედება ნომერი მეორე,
აღარ იქნება..!
მე შეცდომებს არ ვიმეორებ...

ქალი კამელიებით...