ძველისძველი ნაძვის ხე მაქვს საახალწლოდ. მასწავლებელმა მაჩუქა მეხუთე კლასში. პატარაა. საცოდავად მოგრიხა წლებმა. სანამ მორთვას დავიწყებ , კარგად უნდა მივამაგრო ,არ ამოყირავდეს... შარშან შეწუხებულმა მითხრა შვილმა :
- ახალს როდის ვიყიდით, დინა ?
- წელსაც ეს დავდგათ და მომავალ წელს გადავაგდებ -
მეთქი.
ვცრუობ ! იცის თვითონაც.
ვერ ველევი. მიჭირს საერთოდ ძველ ნივთებთან განშორება, თანაც ამ პატარა ნაძვის ხეში ჩემი ბავშვობაა დაბუდებული, ყველა ლამაზი სიზმარი და მოგონება კონწიალობს ზედ, ტყუილებიც, ჰო ტყუილებიც, მშობლები რომ ფუთავდნენ ღამღამობით.
ჰოდა, ვერაფრით ველევი !!!
წელსაც გადმოვიღებ, გავწმენდ და შევუდგები გალამაზებას. სულ რამდენიმე წუთით დავხუჭავ თვალებს და უკან, ბავშვობაში ვიბოდიალებ : თითოეული სათამაშოს ჩამოკიდებაზე ვჩხუბობდით მე და ჩემი ძმები - "აქ არა, აქ უნდა ეკიდოსო"... "ვახ, სად გინახავს ძაღლი და კურდღელი ასე ახლოს ?!" - არ ვთმობდი პოზიციებს.
მერე ჩემი ნაძვის ხე ყველაზე ლამაზი მეგონა მთელ უბანში, ზოგისას სიდიდეს ვუწუნებდი, ზოგისას სათამაშოების რაოდენობას...
ჰოდა, უნდა მიერთგულოს წელსაც ამ პატარა მოგონებების სკივრმა და მომავალ წელს .... ალბათ ისევ დავპირდები შვილს, გამოვცვლი და გადავაგდებ თქო, მაგრამ გადაგდება რა ბედენაა, ღმერთმანი ?!
იყოს კარადაში გამომწყვდეული ჩემი ჩუმი და უწყინარი ბავშვობა !
| კომენტარები |
ილუსტრაციები |
რეცენზიები |
|
7. აუცილებლად ვნახავ, მუხა ! აუცილებლად ვნახავ, მუხა !
6.
) ხვალ დავდგამ ნაძვისხეს, დ კიდევ ერთხელ მოვრთავ ჩემს ბავშვობას ფერადი სათამაშოებით და ციმციმა ნათურებით )
5.
) ხვალ დავდგამ ნაძვისხეს, დ კიდევ ერთხელ მოვრთავ ჩემს ბავშვობას ფერადი სათამაშოებით და ციმციმა ნათურებით )
5.
5. ის თქვენია და არ მოიცილოთ, მის ღირსებას თქვენსავით ვერავინ ჩაწვდება და მოუვლის, ვერც გაუფრთხილდება, სულივით სათუთია, გასაფრთხილებელი.
შვილს კი, ჯობია თავისი ჰქონდეს.
მასავით თანამედროვე, უხილავი საიდუმლოებების დიდი ხურჯინით. ის თქვენია და არ მოიცილოთ, მის ღირსებას თქვენსავით ვერავინ ჩაწვდება და მოუვლის, ვერც გაუფრთხილდება, სულივით სათუთია, გასაფრთხილებელი.
შვილს კი, ჯობია თავისი ჰქონდეს.
მასავით თანამედროვე, უხილავი საიდუმლოებების დიდი ხურჯინით.
4. ამ პატარა მოთხრობამ ისე გამაბოდიალა ჩემს ბავშვობაში ვერც მივხვდი :)) ამ პატარა მოთხრობამ ისე გამაბოდიალა ჩემს ბავშვობაში ვერც მივხვდი :))
3. ბავშვობის მოგონენებები ყველაზე ტკბილია .
ჩვენ ოჯახშიც არის 50წლის წინანდელი ხელოვნური ნაძვის პატარა ხე (ორი მტკაველიანი) თავის პატარა სათამაშოებით.
ყოველ ახალ წელს გამოაქვთ დგამენ დიდ (ორ მეტრაზე მეტი) ნამდვილ ნაძვის ხესთან ერთად. მერე ნამდვილ ნაძვის ხიდან სამახსოვროდ გვჩება მხოლოდ სათამაშოები.
დინა , საახალწლოდ ფორუმზე დავდებ სურათს და ნახე.
მანანა კაკაჩიას აზრს ვიზიარებ.
ბავშვობის მოგონენებები ყველაზე ტკბილია .
ჩვენ ოჯახშიც არის 50წლის წინანდელი ხელოვნური ნაძვის პატარა ხე (ორი მტკაველიანი) თავის პატარა სათამაშოებით.
ყოველ ახალ წელს გამოაქვთ დგამენ დიდ (ორ მეტრაზე მეტი) ნამდვილ ნაძვის ხესთან ერთად. მერე ნამდვილ ნაძვის ხიდან სამახსოვროდ გვჩება მხოლოდ სათამაშოები.
დინა , საახალწლოდ ფორუმზე დავდებ სურათს და ნახე.
მანანა კაკაჩიას აზრს ვიზიარებ.
2. შვთანხმდით, რომ ორს დავდგამთ )) შვთანხმდით, რომ ორს დავდგამთ ))
1. ხოო, ძნელია ბავშვობის მოგონებებთან განშორება, მაგრამ.... შვილსაც ხომ უნდა საკუთარი ბავშვობის მოგონებები :) ხოო, ძნელია ბავშვობის მოგონებებთან განშორება, მაგრამ.... შვილსაც ხომ უნდა საკუთარი ბავშვობის მოგონებები :)
|
|
| მონაცემები არ არის |
|
|
