ნაზი შამანაურის შესახებ

პროფესიით ჟურნალისტი - ნაზი შამანაური გასული საუკუნის 80-იან წლებში კომუნისტური რეჟიმის მსხვერპლი გახდა. ქართველი ახალგაზრდა ვერ ეგუებოდა უსამართლობას, სიმართლეს დაუფარავად ამბობდა, დღიურებს წერდა. ’’ვაჟაობაზე’’ ჩარგალში მან მაღალი თანამდებობის პირები კორუფციაში ამხილა, რაც შემდეგ სიცოცხლის ფასად დაუჯდა. სიმართლის სააშკარაოზე გამოტანა არ აპატიეს და ციხის კედლებში გამოკეტეს, სადაც სასტიკად აწამებდნენ, გიჟად გამოაცხადეს.
ციხეში ნაზი შამანაურმა შიმშილობა დაიწყო და 1983 წლის იანვარში 40 წელს გადაცილებული ჟურნალისტი გარდაიცვალა.

.....................................................................................................

ნაზი შამანაურის მონოლოგი

ბევრი რომ არ ვთქვა, რასაც ველოდი
სწორედ ის მოხდა... მე დავისაჯე,
არ მაპატიეს საქართველოში
სიმართლისათვის რომ გავისარჯე.

ვერ შემიცოდეს... დედასთან ერთად
მეც იქ მიმაგდეს - სადაც მტვერია,
გულწრფელად მსურდა ყოველთვის მეთქვა:
’’ჩემი სიმართლე ჩემი მტერია’’.

ოთარ რურუა

2015 წელი.