მთავარი გვერდი
პორტალის შესახებ
რეგისტრაცია
ნაწარმოებები
კომენტარები
რეცენზიები
დღიურები
წევრები
ლიტ-მოვლენა
ილუსტრაცია
მოგვწერეთ
ძებნა
ფორუმი
გამარჯვებას ვუსურვებთ გმირ უკრაინელ ხალხს რუს აგრესორზე.     * * *     დიდება უკრაინას !!! Сла́ва Украї́ні !!!

ავტორი: გილო
ჟანრი: პოეზია
20 თებერვალი, 2016

არა

ფეხებმა ფრანები გამოიბეს,
ეს ბედისწერაა განა ჩემი,
ფარული სიმაღლის გემბანიდან
გედის სიმღერაა დანარჩენი.
დევებმაც მიწა მიატოვეს;
გაქრა ტყენაკლული ოჩოკოჩიც;
წასვლა დარჩენაზე მარტივია,
თუნდაც ისტორიამ მოიკოჭლოს.
სივრცეს ვეხიზნები აგონიურს,
შიმშილს მარტოობის ვეპუები,
ბედი - რიგჩახსნილი ვაგონია,
ყოფა - დამშეული ვამპირივით.
ჩუმი ტკივილებით ვიზმორები,
ჩემი სიყვარული საგზალია;
ქარში გაბნეული სიზმრებიდან,
დამაქვს საუკუნე გაბზარული...
კომენტარები ილუსტრაციები რეცენზიები