ღმერთმა უშველოს ჩემისთანებს,
რომლებიც ღამით-
დგებიან ცასთან, შებრალებას ითხოვენ ხალხის,
რომელებიც დღისით ჩუქნიდნენ ღალატს,
დაკიდულს ხეზე სამფეხა სკამი-
გამოაცალეს, დაღლილებმა მთელი დღის ჯაფით,
და მშვიდად დასხდნენ. .

ღმერთმა უშველოს ჩემისთანებს,
რომლებსაც თოკი,
შებინდებისას უფრო ახრჩობს და მაინც ამბობს-
ლოცვებს, ათასი დარტყმისაგან მიწამდე მოხრილს-
წელში. . რომლებთაც სიყვარული შეეძლოთ მარტო-
და თავის სამყოფს
აძლევდნენ ვიღაც მატყუარას, ფლიდსა და მოქნილს-
რომელიც ათას ტაკიმასხრულ სანახაობით ართობდა მნახველს,
სანაცვლოდ კი პარავდა ლუკმებს,
რომლებიც ვითომ სხვათაშორის ჩამოსხდნენ სკამზე
და ისევ, ვითომ სხვათაშორის მახრჩობდნენ წუხელ. .

ღმერთო გვიშველე ჩვენნაირებს,
რომლებსაც თვალი,
აგვივსეს ნაცრით,
მაინც ვხედავთ ღალატს და გვიჭირს.
მოგვეცი ძალა,
რომ ყოველთვის მოვიდეთ ღამით-
ცასთან,
ვილოცოთ
და როდესაც მიწები მიწის-
გავხდებით. .
სული ზღვას ვაჩუქო და ყველა თოკი
და ყველა სიტყვა, რაც მახრჩობდა წაიღოს წყალმა,
ჩვენ ერთი მტერი აღმოგვაჩნდა, დაღლილი ხალხი,
დიდება შენდა მოთმინებას, დიდება მამავ,
ჩვენო. .
ამინ..