ეს გზა
სამებამდე ადის.
აქეთ მეტეხია. ხიდი.
შენ სამებისკენ წადი.
ჩემი გზა მტკვრისკენ
მიდის.
ჩემსკენ ქუჩებია მყრალი.
შენსკენ სიყვარული იყოს.
მე ვარ, როგორც წესი, მთვრალი.
ყოფნას არყოფნასთან ვიყოფ.
შენ ხარ ჩვიდმეტი წლის ქალი.
და სველ ბულვარებზე ცეკვავ.
ეს გზა ბინძურია. თვალი.
თვალი აარიდე. ლეკვო.
მიწას აარიდე მხარი.
გულო.
შენ ყვითელი ცის ხარ.
ჩემი გზა მცდარია. მტკვარი.
იმ გზით სამებამდე მიხვალ.