მართლმადიდებლურ წმინდა ტაძარში
როცა ჯვრისწერას ვესწრები ჩვენში,
წარმომიდგება თვალწინ თამარი -
თეთრი კაბით და კელაპტრით ხელში.

ასეთ დროს მართლა სხვა შეგრძნება მაქვს,
გულიც სხვაგვარად მიცემს და იწვის,
მინდა ხმამაღლა შვილთა ქება ვთქვა
დედა ღვთისმშობლის წილხვდომილ მიწის.

ამ ქვეყანაზე პირველ ყოვლისა
მოყვასი არის ჩემთვის მთავარი!
ჰფარავდეს მადლი სვეტიცხოვლისა,
დიდხანს მიცოცხლე ღმერთო, თამარი!