წავიწეოდი წინ,
მე შემძლებოდა რომ,
შენ როცა გინდა წვიმ
და როცა გინდა თოვ.

ქარდაქარ - აქ თუ იქ,
ხანდახან - ყოველ წამ,
ქარის მაგივრად ქრი
და ღვთის მაგივრად მწამ.

ბევრი სიტყვები მაქვს,
ბევრსაც უკვალოდ ვშლი,
ავაშენებდით სახლს,
ვიყოლიებდით შვილს.

დაგიძახებდა „დეს“,
მე დამარქმევდა „მას“,
მისი სახელი მდევს,
მისი სურნელი მაქვს.

ახლა გავუსწრებ წინ,
დროს მე. გავიგო რომ,
თუ რა საოცრად წვიმ,
თუ რა საოცრად თოვ.