წვიმიანი ამინდივით მეგრილები სივრცის გაღმა, ჰორიზონტზე მიმავალი,
ეს კუნძული სავსე არის შეშლილებით
თმის ჩამოშლით სახეს უნდა იმალავდე.
ბილიკებზე სიცრუეა ნაბიჯები უკუსვლითაც მიაგნებდი დათქმულ ადგილს,
სივრცის დროში გადალახვით არ ირჯები
ზღვის ნაპირზე ტალღის შხეფით ფიქრებს აწვიმს.
ვიდრე ხელებს დამშვიდებით დაიწყობდე
მკერდზე, უკან მოპყრობილი სინანულით
თვალებია შავი სივრცის აშლილობა
დიაგნოზი-ნაკლებობა სიყვარულის.
ეს კუნძული სავსე არის შეშლილებით
მინდა ვინმე შენს არ-ყოფნას მიმალავდეს,
წვიმიანი ამინდივით მეგრილები სივრცის გაღმა, ჰორიზონტზე მიმავალი.