ვიდრე ცისკიდურეთს ვეწვევი,
მეც ჰამლეტივით შეშლილობის სცენას ვთამაშობ.
დავიარები ოთახიდან ოთახში და
თეთრ პერანგშეხსნილ ოფელიას გულმკერდზე ვკოცნი.
ვიდრე ცისკიდურეთს ვეწვევი,
მეც უშანგივით ჰამლეტის როლს მთლიანად ვირგებ.
ვმოძრაობ წიგნით ხელში ოთახში და
ლოცვასავით სულ ვიმეორებ უკვდავ მონოლოგს.
არ გაგიკვირდეს მეგობარო,
რადგან ცხოვრება როცა შანსს გვაძლევს,
ასე თუ ისე შანსი უნდა გამოვიყენოთ.