მადლობა იმათ,
ვინც ჩვენს დღეებს დარაჯად ედგნენ,
რომელთაც ახსოვთ შეცდომები დიდი თუ მცირე.

ვერ გაიგებდი დაგცინოდა ხალხი
თუ ბედი,
რომლებიც შვიდგზის ლოცულობდნენ
და ცხრაგზის გვსჯიდნენ. .

და ამდენ ცამდე აღმართული საყდრების ფონზე
ვიყავი ნიში,
სადღაც მთებში,
მაკლდა მლოცველი,

რომლებმაც გუშინ უფლის სახლში ხატები კოცნეს-
და დღეს ღვთის სიტყვით
ჯვარს მაცვამენ თავგამოდებით. .

და ვხუჭავ თვალებს-
წლების არქივს,
ერთგულ მეგობარს,
წარმოვიდგენ რომ მოხუცი ვარ
ვპატიობ იმათ,

ვინც ცოდვის გზაზე
უფლის სიტყვით გადამეღობა,
და ნაცვლად ხელის შეშველების
ღვთის ნაცვლად მსჯიდა. .

რადგან ასე მწამს,
კეთილია ღმერთო, სიბერე,
შენც მოხუცი ხარ ღმერთო ჩემო, ყველა სიზმარში,

დრო არის მეთქი
და პირჯვარი გადავიწერე. .
მოვალ და გეტყვი,
რაც არ მითქვამს,
როგორ მიყვარდი. .