როდის შემიყვარდა შენი ხელები?
ალბათ მაშინ ,როცა  შენი ხელების უნებურად სიკვდილს გადამარჩინე
ან მაშინ ,როცა პირიქით სიკვდილისკენ მიბიძგე
ან არა,
მაშინ ,როცა პირველად შემეხე...
მე შემიყვარდა შენი გაცრეცილი და მკრთალი ხელები
სიცივის დროს ადამიანებს რომ ულურჯდებათ აი ისეთი
არც ისე გრძელი და სწორი
და არც ისე მოკლე და არეული
მე შემიყვარდა შენი თითები მაგიდაზე,ლუდის ქილაზე, ვიოლინოსა და ჩემს წელზე
მე შემიყვარდა შენი თითები წყალსა და ცეცხლზე,
მე შემიყვარდა შენი თითები წვიმაში,როცა ჩემს შარფში თბებოდნენ
ან არა,
მაშინ ,როდესაც ჩემს თვალებსა და ტუჩებს ეთამაშებოდნენ
მე შემიყვარდა შენი თითები ჩემს თმაში, ყელზე ,მკერდსა და სულში
მე შემიყვარდი
და როცა შენგან ვბრუნდები ,ყველაფერს შენი ხელების სუნი ასდის
და როცა ვფიქრობ
განსაკუთრებულსა და თბილზე
ცივსა და დასამახსოვრებელზე
ტკბილსა და მწარეზე
მახსენდება შენი ხელები ......