იქ სადღაცას, გულთან ახლოს,
დამალულა ფიქრი რთული.
ვერ ერკვევა რა ადარდებს,
მარტოობა, ცრუ წარსული.
შებოჭილი, შებყრობილი,
უცნაური აზრთა გროვით
გათიშულა წრფელი გრძნობა,
დარჩენილა უხმო შური..
და აცეცებს ვერაგ თვალებს,
რომ დაიპყროს მსხვერპლის გული.
ჩემშიც არის რაღაც ცუდი,
როგორც ყველა კაცის გულში.
თავს მეხვევა, გარს მებნევა,
ფიქრთა შავი მღელვარება,
მაგრამ უკვე ვერას მავნებს
ეს ვერაგი შხამის ფრქვევა.
მოწამლული მოგონებით
დავდიოდი დიდხანს მთვრალი,
ვერ ვამჩნევდი რა ყოფილა
ქვეყანაზე დღეს მთავარი,
და შენც გირჩევ მეგობარო
რაგინდ მძიმე გქონდეს წყლული,
ნუ ჩაიდებ გულში წყენას,
დაივიწყე ცრუ წარსული!!!