გიხდებათ, იცით? ნოემბერი გიხდებათ კაბად,
ცა საყელოა, მორთული გაქვთ ღრუბლებით. წინ დღით
ვეღარ გითხარით ქალბატონო - რა მეთქვა აბა
ისე საოცრად, პოეტურად, უღრუბლოდ წვიმდით.

გული მიუშვით, აღარ გყავდათ სულის დამგეში
და აქ ამინდმა მოგიწონათ ვიცი კარე და...
ფიქრი როდესაც მიტოვებულ ძაღლის ამ დღეში
ჩააგდეთ, მაშინ შემოდგომას გვიდნენ კარებთან...

ახლა არაფერს ვიმეტყველებთ მკაცრი წარბებით,
გადავეჩვიეთ!.. უჩვეულო ლექსის ღაწვი და
ცოტა დრო მინდა, ისე ძლიერ შეგიყვარებდით!...
თქვენ დამივიწყებთ ვეღარასდროს... მაგრამ გაწვიმდა...

გადავეჩვიეთ მერე ისევ ერთი მეორეს,
გადავეჩვიეთ უგზო-უკვლოდ (დროულ) ხეტიალს,
ახლა კი ისევ უგულობით დევნი ზეობენ
რადგანაც სახლთან შემოდგომა მოუხვეტიათ...