ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

თუ ქალმა ყურში ჩაგჩურჩულა, რომ დღეს მარტოა,
ან შენს ფეხებთან დაუვარდა უცებ მანდილი,
იცოდე, რომ მის საწოლამდე გზები დამოკლდა,
და დასაკარგი წუთიც არ გაქვს, დროზე გაფრინდი...

ქალს კომპლიმენტი არ დააკლო, კეკლუცს მეტადრე,
და საუბარშიც ჩააქსოვე მეტი ინტიმი,
ჩაუჩურჩულე, რომ მის თვალებს ვერ დაემალე,
რომ უკვე გიყვარს უდარდელი მისი სიცილი.

გამოფხიზლება არ აცადო, არ გააღვიძო,
ყურში ჩურჩულებს მიაყოლე ყელზე ალერსი,
მიანიშნე რომ მზად ხარ მისი ვნებით გადივსო
და ბაგეებზეც მიაგებე კოცნა გალეშვით...

არ დაგავიწყდეს რომ ხელებსაც მისცე დატვირთვა,
კოცნის დროს ხელებს აპოვნინე მკერდი მთრთოლვარე,
ახსენ აზღუდი მის ვნებას და მერე სასტიკად
შემოუჭირე მკლავები და მთვარედ მოხარე,

თავს ნუ დაზოგავ, აადინე მის ბაგეს კვნესა,
ვნებამ აშარმა იფეთქოს და ისე შეშალოს
რომ ბოლოს, მისი თვალებიდან აფრენილ მერცხალს
კატის ნახტომით დააცხრე და მკერდზე შეჭამო...

როცა დაცხრება ვნებები და მყუდრო ოთახში
ხშირი სუნთქვისგან ოხშივარი მინებს გალოკავს,
ცხარე კოცნისგან -დაუთვალე სხეულზე დაღი
და დაადგინე თუ ჩაბარდა მასთან გამოცდა.