რამ გაგაგიჟა ქალო,ამ ალიონზე,სისხამ,
სარკეს ეჩვევი? თუ თავს სარკეს პირიქით აჩვევ,
ღმერთი გაგიწყრა? ყელზე რამდენ სუნამოს ისხამ,
დატოვე ერთი ნაკვთი,ჩემი სუნი რომ დაგრჩეს.
რამ გადაგრია ქალო,ამ შუაღამით,ვნიშნავ..
საათობით რომ უმზერ,აუტანიხარ წერას,
არა,ძამიკო ქალი ეშმაკზე ადრე იშვა,
კაცის გარეშე გაძლებს,სარკის გარეშე ვერა.
დღეც უდღეურად გადის,ეს ამინდებიც ყრუა,
იხვევს,იღებავს,იშლის,მხრებზე მბზინვარე,იმ თმებს,
,,ვაგაქიმინე მუთუნ,ოსურს ვაუღუ ჭკუა",
არ მომწონს მაგრამ მაინც,ვამბობ ,,მომწონს" და ვითმენ.