ამობრუნდება ლამაზი გვერდით.
უფრო მარტივად გამოიზამთრებს და უფრო თბილად.
გამოიფოთლებს ახალ გაზაფხულს ორივე ფერდით.
გაიზაფხულებს უფრო სათუთად და უფრო ფრთხილად.

გამეორდება! - შემოიპნევა ფერად მძივებად.
უცებ მოიცავს, მოინადირებს, აავსებს ნდობით.
გამეორდება! - თითქმის იგივე ფერის სიტყვებად.
გამეორდება! - იგივე განცდით, იგივე გრძნობით.

ყველაფრის ბოლოს მარტივია - და მეც ახლა ვიწყებ.
როცა გარემო არის მყიფე რაც გინდა წერე.
და რაც დრო გავა, ყველაფერი გამეორდება.
აი როგორც ახლა ან როგორც მაშინ ...
და უმეტესად კი როგორც მერე.