როდესაც ზამთარში ფოთლებს ინატრებ და
როდესაც უდაბნოს მყოფს წვიმა გწყურია,
მაშინ გაიხსენე რომ ,,მე შენ მიყვარხარ“
და მოკლე ცხოვრება კვლავ საამურია...
როდესაც მაგ გულში ტკივილი დაიდებს
ბინას და იფიქრებ რომ დასასრულია,
მაშინ გაიხსენე რომ ,,მე შენ მიყვარხარ“
და მოკლე ცხოვრება კვლავ საამურია...
როდესაც მიხვდები ფიქრებში ჩართული
სხეული მონატრებულ სულის მდგმურია,
მაშინ გაიხსენე რომ ,,მე შენ მიყვარხარ“
და მოკლე ცხოვრება კვლავ საამურია...
როდესაც წამებით ჩაყლაპავ ცრემლებს და
ბედს რომ მიენდობი თავდახრით სრულიად,
მუდამ გახსოვდეს რომ ,,მე შენ მიყვარხარ!!!“
და მთელი ცხოვრება სულ საამურია...