ისე გამჭვირვალე ცაა–
ღრუბლად შევუერთდე ლამის,
ახლა თენდებოდეს თითქოს,
თუმცა თორმეტია ღამის..

ისე შევაშფოთე მიწა
ძარღვებ–გადახეთქილს აციებს,
დღესაც მომიტევებს ალბათ და
ხვალე დამიწესებს სანქციებს..

სარტყელს მოვაშორებ ზეცას,
ანცად ვუდარაჯებ მთვარეს,
მაინც ავასრულებ სიტყვას,
დღესთან შევახვედრებ ღამეს..!

როგორ გულმოდგინედ ანათებს
ზღვაში ანარეკლი მთვარის.
ისე გამჭვირვალე ცაა–
ღრუბლად შევუერთდე ლამის..