მადლობა კომენტარისთვის, მე თქვენი მეორე ვერსია უფრო მომეწონა. :)

მზია, :) დადეთ ნებისმიერზე, და მთარგმნელთა კლუბში შეიხედეთ, სწორედ ამ ლექსის, სხვადასხვა ავტორის, თარგმანს ითხოვს ბატონი ალექსანდრე,

დევო, არ იფიქროთ, რომ ყველგან დავდებ ჩემს თარგმანებს. არა! ორ ძალიან ცნობილ ლექსზე დავდე და საკმარისია.

კიდევ ერთი საინტერესო თარგმანი შეიქმნა. თავისუფლად იკითხება, ბუნებრივად. ო, ეს ლექსი ვინ აღარ თარგმნა. :))) მე გივი შახნაზარის თარგმანს მივიჩნევ სრულყოფილად. ზუსტია, ლამაზი და კეთილხმოვანი.
ჩემს თარგმანებსაც დავდებ. ვთვლი, რომ შეიძლება მათი გაუმჯობესება.

ვარიანტი 1

მე თქვენ მიყვარდით, და დღესაც, განა,                             
ჩემს სულში ჩაქრა ეს გრძნობა წმინდა.                                 
ნუ შეგაწუხებთ თქვენ ჩემი განცდა,                                     
ვიხილო სევდა თქვენში არ მინდა.                                                               
მე თქვენ მიყვარდით სულ უიმედოდ,                                       
არ მასვენებდნენ ეჭვები არსად.                                               
მიყვარდით ისე წრფელად და ამოდ,                       
ღმერთმა ქნას, ასე უყვარდეთ სხვასაც.                                       

ვარიანტი 2

მე თქვენ მიყვარდით, და ალბათ, არის                  
ჩემს სულში გრძნობა, ჯერ არ ჩამქრალა,                                       
თქვენ ნუ შეგაკრთობთ ეს მწველი ალი,                                 
მსურს მხოლოდ თქვენი სევდის განქარვა.                                     
მე თქვენ მიყვარდით სრულიად უტყვად,                             
ეჭვებით ტანჯულს, თან მოკრძალებით,                         
მე თქვენ მიყვარდით ნაზად და  სუფთად,                       
დე, სხვას უყვარდეთ ასეთი ძალით. 

თარგმანები შესრულებულია მთარგმნელთა  კლუბში 2013 წლის 26 აგვისტოს. შეტანილია მცირე ცვლილებები.