პლანეტის ნახშირი - ცხელი ქვიშა ხშირი
ოდეს მოზვავდება ტალღების მსგავსებით,
გაისრიალებენ გველების ლანდები.

ცეცხლით უძღები ხმელეთის ფერფლის
უდაბნო ოქროსფრად ბზინავს.
ცეცხლით ევსებათ დრაკონებს
მოდუნებული ქშინვა.

მძიმედ ქრის ხორშაკი - გახსენებს წარსულს.
სტიქია გტეხავს და გიბეჩავებს გულს.
შორს იგუდება ლომების ღრიალი,
უსაზღვროდ გრძელდება წამების ტრიალი.
გველი დაგსისინებს არწივად ქცეული,
სამყაროს შეეჩეხე, გახდი გარეული.