შემოდგომის ფოთლები,
დროთა გარდაცვალება,
პლანეტები - ქოთნები,
ცა განიცდის ცვალებად

ამინდებს და ადრეა,
გამოჩენა ლანდების,
მაჯებზე არტერეა,
სისხლით განაწვალები...

მებადურებს ახლია,
ბადრი ბადეს დამგები,
უბედური ქარია,
გაგახსენებს განდეგილს,

ვინც ამბობდა: "გერჩიან
ტალღები, დაეყუდე",
შენ მყუდრო მორჩილება,
უარყავი მეხუთედ...

სულმა როგორც ხალათი,
გაიხადა სხეული,
ფარდის მიღმა განახლდი,
დაივიწყე სნეული

ცხოვრება და ღმერთია
გვერდით, ფეხებნატკენი,
კაცთა ფიქრი ერთია,
მოვა და კვლავ ატკენენ...