გუგები-ცრემლის არხებით
წამლეკავს ნიაღვარები.
როცა მე დავიმარხები
თმას გაიშლიან ქარები.

ცრემლები თვალს დააოსებს
დაჰყრიან ხეებს კვირტები.
ამოხვალ სასაფლაოზე
და ჩუმად ამიტირები.

ეყრება ხავსის ლოდები.
დაიძვრებიან ქანები.
მე იქით დაგელოდები
შენ აქეთ დაგენანები.

მერე სიზმარი ახდება
იქნება ცხარე გოდება.
ეგ მხრები აცახცახდება
და გული დამეკოდება.

თვალებში ცრემლის არხებით
სიკვდილი ძვლებსაც დამახრის
მე როცა დავიმარხები
ის როცა ცრემლებს დამაყრის.

ეყრება ჩვენი ტანები
როგორაც ხავსის ლოდები
ო,როგორ დაგენანები
ო,როგორ შემეცოდები