იკვეთებიან გზები არასდროს !

ვწერ... და წუხილის ექო ფარავს დროს
ვეღარ ვიგონებ ბაგეს ვნებიანს,
იკვეთებიან გზები არასდროს
გზები არასდროს იკვეთებიან.

და განთიადზე სიზმრების წყებით
მშრალი თითები კალმით მღერიან,
დღეს შენ იწყები არდავიწყებით
დღეს უშენობა სევდისფერია.

სიჩუმის ძახილს ალბათ სულ ელი
როცა თვალებში სევდით ბინდდება.
და შენი მზერა , სითბო, სურნელი,
საყდრის ჩიტივით გამიფრინდება.

ჩუმად გავყურებ მტვრისფერ კაბადონს
და ამ ყველაფერს ვიცი ხვდები ან...
იკვეთებიან გზები არასდროს,
გზები არასდროს იკვეთებიან.


---





ვაუხვადუნა შარეფ ართიანს

იბჭყოლიდუა თოლებს მარდიანს
მარა შხვა თოლეფ დღას ვამნათუნა,
ვაუხვადუნა შარეფ ართიანს
შარეფ ართიანს ვაუხვადუნა.

დო ჩიამურო ულა ლერსეფი,
ქეთმაკირუნა ოღურეთ ფინჭას
დო თე შურ ჭუათ,  ჭუათ ქვერსემი
ჰგუ ნაგოლოფა სქირაფილ ინჭას.

მეულა წანეფ , წანეფ შხვაშ თია
მარა სისმარებს სქან დუდ ვარდუნა,
ვაუხვადუნა შარეფ ართიანს
შარეფ ართიანს ვაუხვადუნა.


2014.