ელოი, ელოი ლამა საბაქთანი
სიტყვა სამგლეა და საბატკანე
სამი სახარებით ნახარები
შემინდე უფალო ახირება
ასი მასათის ნაპერწკალი
ასჯერ წაუკიდე ნაპირს წყალი
ულევი ცეცხლითა და ელვისწყალით
ყოველი ნაპირი შეიწყალე
მე ჩემი გადამავლე ახირების
მე ჩემი წამიკიდე ნახილვები...
ელოი, ელოი ლამა საბაქთანი
დავკალ ხილვანი საბატკანე
დავკარი სამგლე ძალაყინი
განა ცეცხლისა და განა ყინვის-
გაცეცხლებისაგან განაყინი.
განა ქარისმჭრელი თანარკინი,
განა  ქარის ცეცხლში ანარკინი.
მოისმა სიბნელიდან საბაქთანი
სიბნელეც ერთია ამათგანი...


კახა მჭედლიშვილი