"ყველაფერს თუ დაწერ
    ხალხი მონაგონად
    ჩაგითვლის, მაგრამ
    მონაგონი ყოველთვის
    გაუბედავია: მან ხალხის
    ნდობა უნდა მოიხვეჭოს,
    სიმართლე ამას არ
    დაგიდევს, რადგან არ
    ეშინია დაუჯერებელი
    გამოჩნდეს"
  რაბინდრანატ თაგორი

რატომ აქვს ჩემ მოთხრობა მშრალი შესავალი,- რადგან ოთხ გვერდში დიდი ინფორმაცია დაიტია, ის ფსიქოპორტრეტი რაც ჩაფიქრებული იყო ავტორის მიერ, შესავალში ხორციელდება თავისი ქმედებებით, რაც განაპირობებს მის შემდგომ ქცევებს ბავშვებისა და ზოგადად, ადამიანებისადმი დამოკიდებულებას.
  მოთხრობა წინააღმდეგობრივია, შეიცავს ფრაზებს "ჩანაწერებიდან", რითაც უამრავი ცხოვრებისეული დეტალი იკვეთება: ლიას ოჯახი, შვილები და მამის ტიპაჟი. რთულია, ერთბაშად ამ ყველაფრის გააზრება ენერგოეფექტურობასთან დაკავშირებული დატვირთვის გვერდით. ეს ასეც იყო ჩაფიქრებული, რადგან მხოლოდ რამდენიმე ეპიზოდი საკმარისად ჩავთვალე, ამ სიახლის როლი და მნიშვნელობა დამეკავშირებინა ლიტერატურულად უფრო გამართულ, აზრობრივად უფრო ალეგორიულ -მხატვრულ ნაწარმოებთან. მივესალმები ენერგოეფექტურობის მიერ დანერგილ ყველა სიახლეს, რათა დედამიწის ამოწურვადი რესურსები იქნეს შენარჩუნებული და განახლებული, ეფექტურად გამოვიყენოთ ყველა რესურსი, რაც გლეხს მეტ დროს გამოუთავისუფლებს, მოგეხსენებათ დიდი შრომის გაწევა უწევს და ძალიან მცირეა მის მიერ გაწეული შრომის ანაზღაურება- ვგულისხმობ ყურძნის ფასს ბაზარზე. ამ თემაზე უნდა მუშაობდეს ყველა ორგანიზაცია და სახელმწიფო. გლეხის შრომის სათანადოდ არდაფასება იწვევს დიდ რისკებს, განადგურდეს ვაზი, ფსიქოლოგიურ წნეხს - ამინდის ცვლილებაც კი. ყველაზე მეტად გლეხი- კაცი იჩაგრება.
  რაც შეეხება წალმისთვის "სივრცის გამოთავისუფლებას ჯგუფებში"- სკოლები და ბაღებში დანერგილი გათბობის სისტემა დიდი ხანი არაა რაც შეიცვალა, ყველას კარგად გვახსოვს ღუმელი და საკლასო ოთახებშივე შენახული შეშა, რაც სულაც არაა ეკოლოგიური საფრთხის შემცველი, -არაჰიგიენური. ამიტომაც ჩავთვალე, რომ არც თუ ისე არარეალური იქნებოდა სიუჟეტში ეს მონაკვეთი. სპეციალური გათბობის გვერდით ჩავრთე ბუხარი, უფრო მეტი დატვირთვისთვის, მხატვრულობისთვის, რათა მართლა მშრალი არ ყოფილიყო მოთხრობა. ბუხართან კითხვა, ნაცარქექია და სხვა პერსონაჟები ალბათ გაგხსენდათ, თუმც არ მსურდა ნაცარქექიისა და ბაყბაყდევის ენით საუბარი ნამდვილად, ეს ჩემი არჩევანია, არავის წინაშე ვიმართლებ თავს და არც არავის ვაკნინებ, საჭიროდ ჩავთვალე, ეს დამეწერა, უფრო მეტი სინათლისთვის, მკაფიობისთვის.
  ზინას პერსონაჟი არაა ცუდი, უბრალოდ განსხვავდება ლიასგან, რათა მკითხველმა გააკეთოს შედარება, რომლის მიდგომაა სწორი, რატომ და რა შემთხვევაში. "არაკეთილმოსურნე" არ ნიშნავს ბოროტს, ეს ის ადამიანია, ვისაც ამ შემთხვევაში ლიასი არ ესმის ან რაც ესმის სათავოსოდაა გაგებული. ხშირად ჩვენი მეამიტური ქცევა, გულიდან გაშვებული, დაუფიქრებელი, თუმც კეთილი, სხვანაირად ხვდებათ ყურში და ასეც თარგმნიან. ეს საკვანძო ფრაზა ფსიქოლოგიურ ჭრილში განხილული, დამჭირდა იმისათვის, ხაზი გაესვა მკითხველს, თუ რამხელა მნიშვნელობა აქვს ადამიანის ფსიქოლოგიის ცოდნას და რამდენად მნიშვნელოვანია ლიას მსოფლმხედველობაში ეს ნიუანსი- იცის ადამიანი და ცდილობს სასიკეთოდ მართოს  მისი უნებლიე თუ ნებლითი ქცევა. ზინას მიხვედრილობა ადასტურებს ლიას ბავშვებთან დაკავშირებით, რომ მას შეუძლია გაზრდა, მასში არის ნაპერწკალი სიკეთის, ამიტომაც არ ვახდენ აქ ადამიანებისთვის იარლიყის მიწებებას, რომ ბოროტია ან ასეთია. დიალოგებისა და ფრაზების გააზრება ყველა შეკითხვის გასაღებია.
  "პირდაფჩენილები"-კიდევ ერთი საკვანძო ტერმინი, რატომ არ არის ლიტერატურული? კუთხურია თუ სლენგი? ზუსტად იტევს ჩემს სათქმელს- ბარტყები არიან პირდაფჩენილები, რა საკვებსაც მიუტანს დედა, დაუფიქრებლად სანსლავენ, ვერ აანალიზებენ, არგებთ თუ არა ეს საკვები. ამიტომაცაა დედის როლი განუზომელი შვილის ცხოვრებაში- რა ინფორმაციასაც მივაწვდით, ასე ვთქვათ იმით იშიფრება, კოდირდება- " ცარიელ დაფად დაბადებულებზე ჩვენ ვწერთ მის ხასიათს, ქცევასა და სურვილებს-რასაც ვუღვივებთ, რა მიმართულებასაც ვაძლევთ, იქით მიდის. "ავტობუსისკენ უბიძგა"- უბიძგა ზუსტად ის სიტყვაა, რამაც დაიტია ის ქმედება, რაც იმ დროს ყველაზე მეტად გამოხატავდა ლიას ქმედებას. ის ბიძგებით მართავს ბავშვებს, ძლიერი და სათუთი ხელის ბიძგებით, იმ მზის ენერგიით, რაც უფრო მკაფიო გახდა ვაზთან ზიარების შემდეგ. ეს ფანტასტიკური ელემენტი-მისი გადასხვაფერებისთვის, საკუთარი თავის ბოლომდე გაცნობიერებისთვის დასჭირდა ლიას და ლიასთვის კი მე- ავტორს. საკუთარ თავს თუ არ ეძებ, გარშემო ვერავის პოულობ, არ ცოცხლობ და ვერც ვერაფერს გრძნობ. " ავტობუსში შეფრინდა"- ლია ტრანსშია ჩავარდნილი, ვაზთან სიახლოვით, ამიტომაც ამ სიტყვაში დაცული უხილავი ფრთები ის საჭიროებაა, რომელიც აუცილებლად უნდა გამომეყენებინა."ნაფოთლი"- ასევე ზუსტად გამოხატავს ალერგიურ გამოვლინებას ფიზიკურად.
  რაც შეეხება ძირითად მიზანს, რისი მიღწევაც მსურდა და რატომაც დავტვირთე ასე ეს ერთი ციდა მოთხრობა-საქმე გავირთულე, შემეძლო მართლაც ერთი დიალოგით მეთქვა სათქმელი ენერგოეფექტურობაზე და ალბათ გაუგებრობასაც არ გამოიწვევდა ჩემი ნაწარმოები.
ჩემი ამოსავალი წერტილი არის ადამიანი, აქაც და ყველა  ლექსში. ბავშვი ის ლარნაკია, რომელიც ჩვენი ხელის მოძრაობით ყალიბდება. ამ საუკუნეში ფუფუნებისკენ სწრაფვა უმთავრესი პრიორიტეტია. ადამიანებისთვის, ყველა რესურსიც მისკენაა მიმართული. ბავშვი რჩება უშინაარსოდ, უსახსროდ, სულიერ კრიზისს განიცდის და ყველა ბავშვი ცოდვაა მშობლისგან მიგდებული ყველაზე სანუკვარი საჩუქრიანად- ტელეფონი, ინტერნეტი, რითაც უნდა დაიკმაყოფილოს ის ფსიქო-სექსუალური მოთხოვნები, რასაც თავად მშობელი უნდა აკეთებდეს, მასთან საუბრით კომუნიკაციით, გაზიარებით, უაზრო ლაქლაქით, თამაშების მოგონებით( ჩემს ბავშვებთან ერთად მრავალ თამაშს ვიგონებ "ცუდი და კარგი" ჰქვია იმ თამაშს, რითაც ვიგებ, ყოველდღე რა მოხდა მათ ცხოვრებაში ცუდი და კარგი- ანუ რას აღიქვამენ ცუდ ფაქტად და პირიქით, საუკეთესო ხერხია, იმის გასაგებად, სწორი მიმართულებით ვითარდება თუ არა შენი შვილი. კითხვა ის მოვლენაა, რამაც უნდა დაუკმაყოფილოს ფანტაზია, აღზარდოს, სიამოვნება მოუტანოს, რათა სოციალურ ქსელში სხვისი ყურადღების მიპყრობის სურვილი არ გაუჩნდეს და მრავალი სხვა არაჯანსაღი ქცევის პროვოცირება მოხდეს სულიერების კრიზისის დროს. შეიძლება უხეში არგუმენტები მომყავს მაგრამ ეს სწორედ ისაა, რაც საკუთარ თავზე დაკვირვებით, ჩემს შვილებზე მრავალჯერ გამომიცდია. ჯერ პატარები არიან და ამიტაც ვამზადებ მათ დიდობისთვის. ისინი ჩაიდენენ შეცდომებს, თუმც მინდა განცნობიერებული ქონდეთ რა შედეგები მოჰყვება მათ საქციელს.
  ამდენი მკვლელობის ფონზე, სულიერი კრიზისი ჩვენს მომავალ თაობაში აშკარაა. აღზრდა და განათლება ერთადერთი იარაღია და სწორი მიდგომა კიდევ მნიშვნელოვანი ამ შედეგების დასადებათ. ამიტომაც არ გაგიკვირდებათ, რატომაა ჩემთან სხვა დანარჩენი მატერიალური ეფექტურობა მეათეხარისხოვანი. მე მივესალმები ყველა ჯანსაღ ქმედებას, რაც ადამიანის პიროვნების ჭეშმარიტ არს წაადგება, ბავშვებს სულიერებას მიცემს.
  დღეს ყველას აქვს ვილა, ფეშენებელური სახლი, ყველა რესურსს ადამიანურსა და სხვას, ამისთვის ხარჯავენ და რისთვის? ვისთვის? ურჩხულები იბუდებენ ჩვენს შვილებში ამ დროს, ჩვენ მათ გვერდით არ ვართ, ამიტომაც შემდეგ, ვერაფრით იკმაყოფილებენ საკუთარ ეგოს, ფსიქიკა უზიანდებათ უსიყვარულობით, მშობლებისგან მიღებული უნდობლობით, გაუცხოებით. მერე სხვაგან ეძებენ თავშესაფარს, ცუდ გარემოცვაში ავლენენ ნამდვილ სახეს, რადგან იციან იქ არ გაკიცხავენ. ისეთ კაცებს მიყვებიან, ვისგანაც უფრო ძლიერად უნდათ რომ იგრძნონ თავი, რადგან დაუცველად გრძნობდა ოჯახში თავს, ხშირად ასეთი კაცები მოძალადეები არიან. ასე ინგრევა უამრავი ადამიანის ცხოვრება, მერე მათი შვილები მშობლების შევდომების მსხვერპლნი უარეს მდგომარეობაში იზრდებიან: მკვლელებად, მოძალადეებად, მატყუარებად.
ლიას ფსიქო- პორტრეტი და მასში ჩატეული ძირეული ცვლილებები, უცვლელად თაობებს შორის ომი, ეს რეალობაა, მნიშვნელობა არ აქვს, რომელი თაობის წარმომადგენელია, საფუძვლიანი არგუმენტებით, პრაქტიკაში განხორციელებით, იმას რასაც ქადაგებ დამარწმუნებელი ფაქტორებია ბრძოლის გასაგრძელებლად. დღეს ათასი საშუალება არსებობს გაცნობიერდე სწორ მიდგომებში. ბავშვებს ველაპარაკოთ როგორც დიდებს, არ დავაკნინოთ მათი პიროვნულობა, მოვისმინოთ ყოველთვის რაც არ უნდა მნიშვნელოვან საქმეს ვაკეთებდეთ. ჩავებათ მათ საზრუნავში, რადგან ვაგრძნობინოთ რამდენად საჭირონი არიან ჩვენთვის, შეიყვარონ საკუთარი თავი, დააფასონ ადამიანური ღირებულებები, შეისწავლონ საკუთარი თავი, რათა სხვებსაც სათანადო საჭიროებებით მოექცნენ, რათა მართლა გაამართლოს ჩვენმა შრომამ მატერიალურმაც და სულიერმაც. მონსტრი თუ გაიზრდება, მას არც შენ დაჭირდები და არც ენერგოეფექტურობა.

  მადლობა ყურადღებისთვის ჩემს მკითხველს!!