დაიფიცე
რომ ამ ზაფზულს
სულ სხვაგვარად იზაფხულებ
ჯერ არ გაშლილ ყვავილობას
არ დააზრობ ყინვით ფურცლებს

დაიფიცე რომ სხვის კარზე
მხოლოდ თხოვნით მიადგები
ყველა დედას აცლი დაწვნას
გვირილების, ლიანების.

ფიცი დადე რომ იფიცებ
გზებზე არ იწოწიალებ
ზამთარს აცლი დაზამთრებას
ალალბედზე არვის აკრებ!

მშობიარე დედის ცალ ფეხს
შეეშვები, დაივიწყებ!
ნაადრევად გაშლილ ყვავილს
არ დაფერთხავ ციდან ცისკენ.

დაიფიცე და იწამე
მონატრების ტკივილები
დაისვენე შენც სიკვდილო
დაიძინე - ძილი ნების!