შენ ასულდგმულებ ვნებით დამთვრალ გულს
რეალობავ და ოცნებავ ჩემო,
შენ მაგრძნობინე რომ მე სიყვარულს
მხოლოდ ახლაღა გავუგე გემო


ვერ ავხსნი ახლა რასაც ვგრძნობ სიტყვით,
ვერას დააკლებს სიყვარულს მოცდა,
დუმილი ალბათ უფრო მეტს იტყვის,
და გულის ფეთქვის მხურვალე ლოცვა


მარადიულად მინდა გიცქირო,
გავხდე ცხოვრების შენთვის მიზანი,
შეუჩერებლად, მუდამ გისმინო...
ბედნიერი ვარ რომ გაგიცანი


მაბრუებს შენი მშვენიერება
და დღე უშენოდ გულს კვლავ ატირებს,
შენ მაპოვნინე ბედნიერება
რომლის გაშვებას არსად ვაპირებ!